Үнэ
1,041,000₮
Монгол хуримын бөгж нь хатан сүйх, хаан бугуйвч гэдэг монгол хээний дүрсээс үүдэн хийгдсэн байдаг. Эрэгтэй хүний бөгжийг хаан бугуйвч, эмэгтэй хүний бөгжийг хатан сүйх гэж нэрлэнэ. Уг 2 хээ нь үүрдийн бат бэх холбоог билэгдсэн тэмдэг. Иймд хоёр дүрст хээ хоорондоо холбогдсоныг хос залуучуудыг үүрд хамт, бат бэх аз жаргалтай амьдрахын ерөөл гэж үздэг. Хаан бугуйвч нь хоёр зөрж барилдсан дугуй хэлбэртэй ба монгол гэрийн тооныг бэлэгддэг, хоёр айлын тоонот гэрээс гал голомтыг бадраах хүн нь нөхөр хүн. Хатан сүйх нь ташуу хоёр дөрвөлжин зөрж барилдсан байдаг ба тоонот гэрийн багана тулгуурыг бэлэгддэг ба хос багана шиг хамт байхыг илэрхийлдэг, айл гэрийн түшиг тулгуур нь эхнэр хүн юм. Бөгжний доторх хоёр нүд чи, би, гадна талын гурван нүд аав, ээж, ах, дүү, хамаатан садангуудтайгаа үргэлж холбоотойгоос гадна, бас дөрвөн зүг найман зовхистой зовлон жаргалыг хамтдаа туулна гэсэн билэг тэмдэг. Хаан бугуйвч гэж нэрлэсний учир нь гэргийнхээ чимэг нь болж явах учир хаан бугуйвч гэж нэрлэжээ. Эр хүнийхээ цоморлог болж явах учир хатан сүйх гэж нэрлэжээ. Монгол дархадын ур ухаанаа шингээн бүтээгдсэн үнэт эдлэлийг таны гарт.
Металл: 585 сорьцтой, Монгол монетон эдлэл
